الظاهر إن فى خلل واضح فى عقيدة كتير من مسلمى هذا الزمان .. للأسف الشديد الإسلام يعود غريباً كما بدأ غريباً وصدق رسول الله ﷺ .. من إمبارح وصفحات الفيسبوك بتتكلم عن وفاة شابة – حسب ما سمعت – فهى ماتت منتحرة .. سحاقية .. ملحدة .. ومن إمبارح والناس منقسمة بين الترحم عليها وبين لعنها ..
الحقيقة أنا مكنتش متخيل إن ممكن ييجى اليوم اللى نبقى مضطرين فيه نتكلم عن أهم أسس العقيدة الإسلامية وهى التوحيد .. أهم وأول أساس فى الدين الإسلامى المسلمين أصبحوا مختلفين عليه ولاحول ولا قوة إلا بالله ..
ـــــ
يا جماعة الخير .. يا أمة محمد .. البنت دى لو صح عنها اللى سمعناه كلنا إمبارح فهى ماتت بعد ما ارتكبت 3 بلاوى سودة أقلهم وأبسطهم هى الإنتحار ونسأل الله حسن الخاتمة لكل الناس .. وعشان محدش يظن إننا بنتكلم بأهواءنا تعالوا ناخد الموضوع بند بند :
1 – الإنتحار :
ـــــــــــــــــــــــ
المنتحر فى الدين الإسلامى ليس بكافر مالم يرتبط إنتحاره باليأس من روح الله .. فإن إنتحر لسبب مرضى ( المرض النفسى ) فحسابه على الله .. وإن إنتحر بسبب ضيق حاله وظروفه المعيشية فهو خطأ ويقع ضمن نطاق الكبائر ولكن لا يصل إلى درجة الكفر فيصلى عليه ويدفن فى مقابر المسلمين .. أما لو كان الإنتحار إنكاراً لرحمة الله ولإمكانية تحقيقها فهو كافر بلا شك ..
https://cutt.us/SOA36
https://cutt.us/t50oa
https://cutt.us/zn5Dk
https://cutt.us/QZjH7
ـــــ
2 – السحاق :
ـــــــــــــــــــــ
وأنا هنا قاصد أسمى الفعل بمسماه الحقيقى لإن تغيير مسماه للمثلية فيه تمييع للجرم وتسهيل لوصوله لعقول الشباب .. لأ يا جماعة .. إسمه سحاق .. شذوذ .. إنحراف عن الفطرة السليمة .. إنما مثلية دى لامؤاخذة متمشيش معانا خالص ..
السحاق شرعاً هو إتيان المرأة المرأة وهو محرم وقد عده العلماء من الكبائر واتفقوا على أن لا حد له لأنه ليس زنى وإنما يجوز فيه التعزير وهى من سلطات ولى أمر المسلمين فيعاقب بالعقوبة الرادعة للفعل والتى تضمن عدم تكراره وإنتشاره .. فى طبعاً أحاديث عن النبى ﷺ مذكور فيها إن السحاق زنى لكن تم تضعيفها وعليه فالثابت الآن أن السحاق كبيرة من الكبائر ..
ومش عاوز حد من حضراتكم يستهين بكلمة ( كبيرة ) ويظن إنها حاجة عادية .. قوم لوط كلهم ( رجالهم ونساءهم ) هلكوا بسبب الكبيرة دى .. ومحدش يظن إن الله عز وجل أهلك نساء قوم لوط بدون جريرة أو إنهم أُخذوا بذنب رجالهم فالله أعز وأجل وأعدل من هذا ولكن المعروف أنه لما استغنى رجالهم بالرجال ولم تجد النساء من يقضى وطرهن استغنى بعضهن ببعض ومارسوا السحاق فحق عليهم مثلما حق على رجالهم ..
https://cutt.us/bvkNU
https://cutt.us/X1fVG
ـــــ
3 – الإلحاد :
ــــــــــــــــــــ
الإلحاد كلمة معاصرة تعنى تعطيل وجود الخالق بالإطلاق فهو غير موجود حسب زعمهم وفى هذا هم أشد كفراً حتى من المشركين لأن المشرك يعتقد بوجود إله خالق للكون ولكنه يشرك فى ربوبيته إلهاً أخر وأوضح الأمثلة لنا كمسلمين هم مشركوا قريش الذين كانوا يؤمنون بوجود الله ولكن من فساد عقيدتهم كانوا يعبدون الأصنام لتقربهم إليه زُلفى ..
ده طبعاً فيه إنحراف كبير عن الفطرة والمنطق السليم لإن بخلاف تعاليم الله وشرائعه اللى أرسلها مع رسله من بداية الخلق فالعقل البشرى لا يمكن يقبل أن هذا الكون المعجز المنتظم الدقيق نشأ بفعل الصدفة وإنه لا يوجد قوة قادرة هى من أنشئته بهذا النظام البديع .. ده قصور مرعب فى الإدراك الحقيقة .. وبلا شك فالملحد اللى يقبل الفرضية دى فده ينطبق عليه قول الله تعالى :
أَرَأَيْتَ مَنِ اتَّخَذَ إِلَٰهَهُ هَوَاهُ أَفَأَنتَ تَكُونُ عَلَيْهِ وَكِيلًا (43) أَمْ تَحْسَبُ أَنَّ أَكْثَرَهُمْ يَسْمَعُونَ أَوْ يَعْقِلُونَ ۚ إِنْ هُمْ إِلَّا كَالْأَنْعَامِ ۖ بَلْ هُمْ أَضَلُّ سَبِيلًا (44) #سورة_الفرقان
وقضية الإلحاد محسوم أمرها لا جدال فيها .. من مات ملحداً منكراً لوجود الله فهو كافر مطرود من رحمة الله قولاً واحداً ..
https://cutt.us/9baYS
https://cutt.us/fm5vp
https://cutt.us/RLQUK
ـــــ
بعد كل ده ومن خلال متابعتى لتعليقات البعض على بوستات وفاتها ذهلت الحقيقة إن فى مسلم موحد بالله بيدعوا لها بالرحمة .. يا أخى هى نفسها أنكرت وجود الله اللى إنت بتدعوا لها برحمته .. هى ماتت كافرة وجاحدة بوجوده تقوم إنت بكل بساطة تقول إن محدش يعرف إذا كانت هتدخل الجنة أو النار وبتلوم إن الناس كفرتها ..
يا مسلم إفهم .. الناس اللى كفرتها دى كفرتها بناءاً على شرع الله اللى إنت كمسلم مفترض تكون مؤمن بيه .. يعنى ده مش رأيهم الشخصى ولا إجتهادهم .. ده نص إلهى ربنا اللى مشرعه وفرض علينا كمسلمين قبوله .. مينفعش نناقشه او نخضعه لأهواءنا ورغباتنا عشان إحنا شايفين كده او مقتنعين بكده ..
ربنا قال إن اللى يموت وهو كافر بيه فلا يمكن يدخل الجنة ولا يشم ريحها تقوم إنت تقول إنه لأ ممكن يدخل الجنة عادى .. إزاى ؟ .. فى شرع مين ده ؟ .. مش عشان أظهر كمسلم كيوت ومسالم يبقى أتخلى عن أساس وأصل عقيدتى .. مين اللى وصل المسلمين للمرحلة دى ؟ .. مين اللى شوه عقيدتهم وغربهم عن دينهم بالشكل ده ؟
ـــــ
أخيراً – إن صح – اللى سمعناه عن البنت دى فالبنت ماتت وهى مرتكبة ل 3 جرائم .. الإنتحار .. السحاق .. الإلحاد .. إتنين منهم من الكبائر والثالثة كفر بواح أعظم حتى من الشرك بالله .. وإن كان هناك البعض ممن يرى بجواز الترحم عليها فأنا معنديش أفضل من القرءان أرد بيه عليهم ..
مَا كَانَ لِلنَّبِيِّ وَالَّذِينَ آمَنُوا أَن يَسْتَغْفِرُوا لِلْمُشْرِكِينَ وَلَوْ كَانُوا أُولِي قُرْبَىٰ مِن بَعْدِ مَا تَبَيَّنَ لَهُمْ أَنَّهُمْ أَصْحَابُ الْجَحِيمِ (113) #سورة_التوبة
ـــــ
